انا سهلي....
وعلى بلادي نغير
نفتخر بها
وميهمني كلام لغير
وخا نلبس دربالة
مايهمني لباس لحرير
سما غطايا...
ولرض فراشي
مايهمني نعاس سرير
ولالغطا كاشمير
مانشرب من روبني
عاجبني شرب الركوى
والما ديال لبير
خبز لكمح ماحلاه
ومرشوش بشعير
هاذي هي السهول
اصل وجذرة...
معروفة بالخير
غير الله يهذي شي ناس
لي نبتو فيها اودارو جذور
سنين وحنا صابرين
ولاشفنا منهم شي تغيير
انا بعدة ماعنديش مع سياسة
ماقريت عليها فلوح ولافكراسة
انا غير فلاح صغير
نرعى الماشية
ونحرث لبحاير
غير ضرني خاطري
ملي شفت سهول
هيا هيا مافيها تغيير
كالك من لواد لهيه
كاع راشقة ليه
اما فسهول من لواد لهيه
كاع طاير ليه
لابركاسة لاقناطر
شحال من واحد
كان لواد ايديه
غير ربي لطف بيه
...........خالد حدادي.........
ليست هناك تعليقات:
إرسال تعليق