من بعد الربيع يجي الصيف
من بعد الربيع الباهي
وغنا الطيور الزاهي
صفارت السنبولة وفاضت
ومدت رأسها لمناجل
بحال الى عمرها ماكانت
سنة الله في الخلق الفاني
تعيش عوام وسنين هاني
لابد من لحظة تتهدم الاماني
تسلم الروح و ترجع فاني
كيف السبولة حتى انت تاني
يجيك صيفك ،فهم لمعاني
ما يغرك زواق الحال يا انسان
هاد الدار مادوم ما فيها امان
وجد الزاد ليوم الميزان
ما تغفل ما يشطنك النسيان
كون على بال قدف مزيان
وصل المركب لبر الامان
حميد النكادي15/07/2018
ليست هناك تعليقات:
إرسال تعليق