لحال يا هل الحال
- حال من حال
وشحال من حال ...حيران مكبل بحبالو
سلباه الدنيا طامع ف المحال
ملهوف غرو المال
يبني ويعلي ؤ الساس راشي
فين غادي بك لهبال
الدنيا ما دايمة جارة سوالف لعمال
كد ما لعمر يطوال اخرتو حفرة
الدنيا قنطرة غرارة تلبسك الحرير
وف ساعة تلبسك دربالة..
بلا شوار الدوق المر
لا يغرك الحال تكول حافظ لسوار
لحكمة عقل...رأس مال صافي
تعيشك بين لكلوب سلطان
راجع لحساب قبل ماتر ميك ف ذل لغفلة
وتتحاسب على كد لغعال
حرفي ما هو هتوف ....
حرفي مخاوى لحروف
على كد الحال مالت الكلمة
تنبه عقول... تلفها لغرور
سحابةساحرة ب هواها نفوس الشيطان غواها
لبسها ثوب الشر محبة
ناسي لاخرة وشقاها
رجوع الله .. يا العايم ف بحور الغوايا
خوفي عليك تغرق ف ذنوب..
.ما يفكك منها بخور
شحن الهمة...بالايمان
تقوى تزول الغمة
تصحاح لبصيرة تشوف
الخير فدادن سبولها عامر....
.والعطفة بين الدروب ......تجول.
. فاتحة الفتنان
ليست هناك تعليقات:
إرسال تعليق