جات الصابة يا بابا
****************
جات الصابة يا بابا
رجعات ايام العز
جمعو دوك الحطابة
تبن و خيش مغرز
فرحو نشطو لكسابة
الفلاح ف لغلم يدز
الخيل ف لموسم لعابة
الناس فلغلات تهز
نوصيك آهيا بابا
لا تجمع لا تكنز
خرج لعشور من دابا
على حق الله لا تكز
باش كل عام تجيك الصابة
طووع نفسك بزز
ياك لعمر كيف سحابة
خمم نتا و ركز
الدنيا علينا لعابة
تدور ليام و تتحز
خاف ربي يا بابا
كون عاقل و قافز
سمع لكلام لحبابة
ما تبقاش ع تدبز
لا تسمع كلام الكذابة
الله يعطيك العز
بقلمي : عزالدين ناس الرمى
16 / 07 / 2018
ليست هناك تعليقات:
إرسال تعليق