يااااالسنين ...
يالسنين ....ؤمنين
نجيب لعمر من تاني
ليام تطوى ف لحين
تعمر ف الدقايق تولي ثواني
والخطوة فيها سطوة
سابقانا تسرق الوقت
معها محنين
تمحن القلب والعقل اعاني
واللي مكتوبة ف جبين
كارهين ....او حابين
ادووووز علينا بالصح ماشي بلعاني
يالسنين وعلاش تجري وتحجري
الذات اللي كانت رطبة
ولات فيها عطبة
تيبس الجلد كي الحطبة
مابقاش الصبر غير الغضبة
لشابات ....والشباني
وعلاش تشيبي ف الراس
اللي راهم مازال عراس
ماولدو ...ماكبرو لغراس
تشوف الشاب تقول راه شيباني
يااااالسنين فين ....ؤفين
غاب قمري ومعاه امري
نقول ياااااريت
وكلمة ياريت ماترجع اللي فايتاني
غابت شمسي نبات نمسي
على نفسي .
من نهار مات نصي
واللي غطيتو البارح
اليوم نسا ماغطاني
ونقول هذا بحري
وقادة نعومو
نبحر ف همومو
واخا هجرو منو حيتاني
والكلمة بنت فمي
والحلمة تتحقق نكتبها بدمي
وبحبكم ياااأحبابي راني هاني
بقلم حسناء العجوري
ليست هناك تعليقات:
إرسال تعليق