المداويخ.....................................محمد نوحي
ملي كانو تيحلبوا البلاد
ملي باعو فينا ؤ شراو
ملي كانو تيدكو الاوتاد
قراونا لي بغاو
ؤ حنا ليهم عوين
فين كنا حنا؟؟ ناعسين
..........لا
ملي كان سلاح الكفاح
في يد جدك ؤ جدي
ملي كان صوت النواح
عالي في سماك يا ارضي
كان الغدار مخزون
ملي كان الشهيد عريس
رسلوا اولادهم لباريس
قراو الطب ؤ القانون
قراو العلم ؤ الفنون
قراو الطمع...
ؤ باعوا التراب رخيص
دابا لا........
دابا مشات الدوخة
ؤ عرفنا الكورة باش منفوخة
الغشيم فينا ....عاق
الناعس فينا......فاق
عرفنا المدسوسة ؤ المطبوخة
اشهد يا تاريخ
نحن احفاد الفاتحين
لسنا بمداويخ
ليست هناك تعليقات:
إرسال تعليق