بقلم طارق حنيف أبوزهرة
قصيدة في حق المرحومة النسيبة ديالي
الله يرحمها بواسع رحمته
قصيدة بعنوان :
ضربت الكف على الكف
أوغوت غوتة حزيزنة
مبكات العين
حتى القلب ضام
وتفكرت ايامك
أعمارت الدار الحنينة
جود وجودا
وفي الحزة مجودة ورزينة
الباب محلول
وخا سواريه رابو
الكلوش مدفق
زبدة وسمينة
طرافها لبعيد ولقريب
ومكتوبها
لغط
ونكير
و لومان
وزناد الفرينة
الطلة صامت العوام
وفي عيدها
زهى زكاوى بلا لجام
الغنم ربعت زرع خضر
وفي الحصيدة
مكملاها بلكرنينة
الاولى من جوج
طياب و صواب
ونكاسة و محزمة
بسلاح الركينة
والتانية تل وتاويل
ضحات بنهار
وزادت الليل
ومرزمة بطرز
هبييل
راكب عودة خاينة
السلة طريق عامرة
والعجينة بلاما سخون خامرة
ماصبرو ليها خرين
مكين ع المعاينة
كلشي توحد يدور غريب
وفراقك اليوم راه صعيب
الكف المتقوب
في دوارو
وجماعة زاهية
كلا يعطي نهارو
والبعيد متصبر على خبارو
وميزانها صبر صاينة
الي متلي دابا يتلا
ويتوحد وخا يولد شلا
وميفرح بورك الغلة
وخا مكمولة وكاينة
مدينة اليوسفية
ليست هناك تعليقات:
إرسال تعليق