ذاك الزين لسمر
غير شوفة منو
تدي لعمر
وعلى بعدك مانقدر نصبر
وليت يالحبيب
مرة نسهى
ومرة نغيب
لونك ...لون النحلة
وعيونك عسل
وفيك دوا وفيك طبيب
رحم قلبي من نار لهوى
راني بلابيك
نتعذب ونزيد نتكوى
ياك وصفوك لوالا
بسمر اللون
لكن قلبك بيض
وصفا من الحليب
زينك مهبلني
بغيت ديما نشوفك قدامي
ماعمرك عليا تغيب
على قبلك ندور فالدوالي
نجفف لعنب ونردو زبيب
غير قلبك فيا يحن
وتكون ليا حبيب
انا بغيتك فجنبي ديما
ونكونو بحال العاشق ولخليلة
كيف الشمس تشرق ساعة
وعليا تغيب
رجايا فالله وفيك يالحبيب
رحم قلبي لاتخلي نارو
كادية فيا لهيب
انا ماطامع كثر
غير خليك
فجنبي قريب
.... بقلم خالد حدادي .....
ليست هناك تعليقات:
إرسال تعليق