حرقة لحروف......................................................
ضريتيني فلخاطر يا حروفي
سمعيني نترجاك خرجي يرتاح لبال
القلب مضرووور عامر جوفي
آش بغيتي عندي دخلتيني لرحبة لهبال
روفي حني عليا نتيا روفي
مشطون بيك آنا و ليلي طال
خفت نخرجك و زاد خوفي
باش نلقى لي يفهمني موحال
بقيت نشوف فيك و نتي فيا تشوفي
عييت آنا و عليا زاد الحال
ما حنيتي فيا ما قدرتي ظروفي
تسنيتك ترحميني صبرت و صبري طال
مجذوب آنا ولا مهبول آش بان ليك نتي شوفي
و لا مجنون داخل رحبة لهبال
ها عار ربي قدري ظروفي و فكي ليا لكبال
بقلمي : عزالدين ناس الرمى
23 / 07 / 2018
ليست هناك تعليقات:
إرسال تعليق