تبرول الكلبg
فكسكاسو عامر
ما بغى يفور
واش ما درنا قفال...
...
تهرس معاه الراس
بهمومو ساهر
ما هناو شقوفو
ما سمعنا موال...
....
الزمان نارو تلهب
بحطبنا ضاسر
ركب القهرة
على ظهر الرجال...
....
الحظ تكدم
غادي جافر
ما شدوه لينا سلاسل
ولا وتروه حبال...
....
عودنا الصبار وهن
ما سمرنا ليه حافر
ما عز راسو ف محرك
ماخلا راحة للبال...
....
الحق ليه تهضم
بقى عنو غابر
ما جاه بكتبة
ولا بان ليه هلال...
....
ركبنا فوق السرج
لعنان راه حادر
الريح بدا يصوط
كمل ليه لخبال...
....
ما شاط قصيل
ولا زرع ثامر
آش نديرو للوقت
ونكادوg لعدال....
....
..........Ahmed NACIRI......
ليست هناك تعليقات:
إرسال تعليق