ليك الله يا لحمق
شحال من حمق ما يعرف حماقو
هايم فالدنيا مهلهل مجدوب
حارق وراقو
عند الناس ما مرغوب
ما لقى شكون يفهم دواقو
لابس دربالة وراضي بللي فيه
ناسي لمن يحكي شواقو
عل الهضرة ساد ودنيه
ما يعرف حبابو وعشاقو
يلى قصدك غير عطيه
الزمان حاكرو
لا فايدة من تبراقو
حمق وما عرفنا باش حماق
ما عرفنا آش حمقو
يعلم الله آش كان بيه
ما يعرف رزقو بين لرزاق
ما يعرف عيد ولا صيام
ما يفرز يومو من ليام
ليك الله يا لحمق
حمق وحسن من عاقل بوراقو
توفيق بومدين
ليست هناك تعليقات:
إرسال تعليق