بحيرة الحروف

...بحيرة الحروف...

حرثتها برنيشة وعقلي ملهوف
وطيبت ليها روس لمراجع....
علمتها مطاير وسط الجوف
ولكيتهم  gبالخط القاطع...
ردمت الملكاgبمحراثي معكوف
ما خليتو من حر الشمس شابع...
النياش معبور وشريطو معروف
وعلمت الحفرات ووليت نشايع...
غرقتهم والتراب قبابو صفوف
ورجع الفدان بلوحتو رايع...
بالحفرة نغبر ونردم ونطوف
ونظل نهاري فيها نكربل دايع...
خليتها تخمر والري يولي ملفوف
وما لتراب مسوس عليها جايع...
درت حروفي زريعة قاصحة بجلوف
بديت نغرس محني ساجد و راكع...
نظل في البحيرة بظهري معكوف
وننقص منها والمزيانة بيها طامع...
نخلفها ونخنكها gوسط الجوف
والخير من الله لينا راجع...
بدمي نسقيها وعركي gمذروف
ولقطيب سارح ولراسو رافع...
خرج النوار بين وركها g  كفوف
والسلك طوال و للخب ملوي جامع...
اليوم صدق  كروم gمعروف
وحرفي  بطيخ ليه أنا صانع..
فداني راه زرعتو حروووف
وصلتو غلة بين الربايع....
بالنية خدمتو والله يشوف
ورضات الوالدين فيها راتع...

......أحمد الناصري....