الزمان جلانا
عليهم كتبت حروف عندها طعم و لون
وحبي ليهم ما ننساه ولو يكون لي يكون
ما يعلم بيه غير لخالق هاذ الكون
حتى حد فينا ما كان عارف زهرو فين يكون
حيت لي مكتاب لينا في كتاب مكتوب وعند الله مخزون
كاين فيهم لي قلبو ولى مرهون
بحب الزجل مفتون
هوايتو ينظم الكلام الموزون
و كاين لي هاجر بلادو ما خلى برية ولا تليفون
و كاين لي الزمان لعب بيه ولا مجنون
ما هو حي ما هو ميت سرو غامض و مدفون
و ألمني حال صاحبي لي بين القطبان مسجون
على فراقو قلبي حزين ومغبون
ليست هناك تعليقات:
إرسال تعليق