...مال اليوم...
الجمرة في الفاد
ما يطفيها ما...(ء)
والراحة ف قلب الغد
من الله علينا نعمة...
العلة ما خطات حد
والعز ما رام للكلمة...
ما سرحت حروف العد
وما بقات ليها نغمة...
ما تحرثت بالجد
وقوات فيها الزحمة...
ما ولدت بنت ولا ولد
ومن لعقول ما نبتت رحمة..
بالشر رجع الرد
والخير نساوه تما...
العود مع الكيدار شرد
وخلطوا بينهم الرمة...
كنت نسرج وليت عليه نسد
رجعنا سفح بعدما كنا قمة...
نسينا زمان الجد
وماطلعت في ليلنا النجمة...
نهارنا كثر فيه الضد
وخا الشمس ..فيه الظلمة...
.......الناصري أحمد......
ليست هناك تعليقات:
إرسال تعليق