قالو ناس زمان
بالمهل يتكال بودنجال
وانا قلت
بالمهل تْسَلْ الشهدة من
وسط النحل
قالو ناس زمان
قطرة بقطرة يحمل الواد
وانا قلت
غير قطرة بقطرة
لابد ماتنبث البذرة
بالتهلية تولي شجرة
زاهرة بوراق خضرة
وإلا هملتيها في خطرة
تولي وراقها صفرة
ما تحلا فيها النظرة
قالو ناس زمان
ألف تخميمة وتخميمة
ولا دربة بمقص
وانا قلت
خمم تخميمة
لي تنفعك ديمة
الظالم ما تفوت معاه كليمة
و لي يهدر فيك جوبو بالتبسيمة
كون صادق ما تكذب ما تشد نميمة
وتهلا في الميمة
راه الليام دور خاف من الخاتمة
قالو زمان ....
العوني شرف
ليست هناك تعليقات:
إرسال تعليق