كنضحك
بحال ديما والقلب بيض
كنضحك وخا نتخدع او ك نضر
وخا نتطعن بخجر ديال الغدر
من يد صديق او قريب او غريب محتار
كنضحك في وجه ليام اوهي كتعصر
تبدل سوايع بسوايع حزينة كتهضر
تبدل حال من حال يتمختر
كنضحك في وجه لعام لي كيدور
في وجه زربة العمر
يجري ملهوف بحال امواج البحر
يطوي احداث اليوم في وسط الشهور
دار سنة رقمها او جمع عمرك او عمري
دار رقم صبحتي انت وانا ذكرى
يقولو كان او كانت في واحد الزمان
كان او لا كانت فلانة او فلان
نوليو ماضي حاضر مدفون
هادشي علاش كنضحك
على دورة الوقت فوق ظهر الزمان
كنضحك على لملهوف لي شبعان او عطشان
ماجبر الوقت يروي لعطش في هاد زمان
كنضحك على الجيعان
لي الدنيا رماتو وسط ناعورة الطمع
تلف او بقى يلف مرة يطيح مرة ينوض
كنضحك في وجه الوقت لي كيجري زعفان
نجية عماري
ليست هناك تعليقات:
إرسال تعليق