داق الخاطر
اوگلت نسرح بخيالي بعيد
ندخل قاموس عقلي
ونقلب اشنو الفرق
بين لقديم اوجديد
زاد داق خاطري
او وقف لساني فالحلق
من حر لغدايد
لقديم مشا وتنسى
جا بلاصتو غير الجديد
الترات مات الله يرحمو
ولات شلا عمارات
اوشلا حديد
كاع هاد الشي من التجديد
قلبت مزيان وبقيت نخمم
كلت نشوف حتى عقل بندم
واش فيه شي تجديد
لقيتو خاوي
حتى قلبو قسح من لحديد
شفت حتى عييت كولت نرجع
ماعندي فين غادي نزيد
غدايد واشمن غدايد
حتى اللحم مابقات فيه بنة
مايدار خليع ولا گديد
راه گالوها غير المندبة كبيرة
واللحم راه حدو نهار العيد
كيف لبارح كيف داك العام
ماكين تجديد
راه غير القلب فبلاستو يقفز
من حر لغدايد
صافي غادي نرجع قبل
منتيه ونبغي نرجع
يجيني الطريق بعيد
راه كولشي سبابو
غير غدايد
........خالد حدادي.........
ليست هناك تعليقات:
إرسال تعليق