خير وسلام
شفت منامة فيها زوج بقرات
وحدة حلابة اوخيرها باين
او وحدة ضعيفة اومن حليبها غرزات
هكذة الدنيا على زوج تقسمات
مول المال دا الحلابة
ودرويش دا لي غرزات
ماعمر حليبها يدوقو
ولا يشرب منو جغمات
ماتولد ليه عجول ولا عجلات
حتى فالسوق متباع ليه
ماعالفا غير لعضم
وجلدة عليه لسقات
اما مول المال
يشرب حليبها
زيداه بالوليدات
هادي هيا الدنيا كل واحد
فيها كيف بغات
خير وسلام
شفت المرعى طويل
كولا وبقرتو فين سرحات
مول المال بقرتو الشبعة باينا عليها
ودرويش الضعف باين
عليها من ركبتها خوات
طريقها واخا تكون اوطا
تجيها كولها عكبات
خالد حدادي
ليست هناك تعليقات:
إرسال تعليق