فينك يا ديك الليام
فين الصربة واللجام
فين الزجال لي فالسوق يروي الكلام
من بعد التحية والسلام
عليه يولي الزحام
فين بنات زمان عليهم شلة كلام
ما يتشبهو بغرب ما يتفرجو فأفلام
نهار تبان تقصدها بلا تخمام
فين الراعي لي بي نايو يعزف أنغام
شاد عصاتو فوقو جلابة معقودة من الحزام
من فوق الشجر مقابلو الحمام
فين داك رمضان لفيه يحلى الصيام
جوامع عامرين كلشي بعيد عل الحرام
ما بقينا نشوفوه ولو في الحلام
فين العرس لي الفرح فيه سبعيام
الخيل و التبوريدة والنشاط في الخيام
لي حاضر فيه ما ينساه ولو يدوز عام
العوني شرف
ليست هناك تعليقات:
إرسال تعليق