الخبز الحافي
رفيق عمرو
أتاي الدافي
جوفي عارفهم
حتى لمصران حافظهم
أش تكول على الدات
ولات سكنة ومقر....
ل أتاي والخبز والما
لحلق ولات تشدو لحشمة
بحال الضو مني يشعلو لعمى
وليت نطلب لمعدة
باش تحل فمها....
ل أتاي والخبز والما
هي غضبانة
من الروتين قنطانة
كالت لي بغيت التغيير
طلب منها السماحة
كلت نمشي لأكبر ساحة
ربما نلقى لحيمة او تفاحة
دخلت لأكبر مساحة
شفت قلة لحيى واشطاحة
تاركين الحق
ا وتابعين النواحة
بقا فيا الحال
شفت فين كتبدر ل أموال
واش هذا معقول
ناس ساكنة حدى لكوابن
تشم ريحت لبول
هاذ شي ميرضيش لخالق
ها عناقنا وجدو لمشانق
رجعت مهموم
نكلم نفسي ولوم
كاليك هاذي فلوس النجوم
اشنو ذنب هاذ الفقير
مني تزاد هو عايش التحقير
حتى اللقمة من فمو كطير
حياة الذل نهج التدمير
ناكل الخبز الحافي
نشرب أتاي الدافي
وخا قلبي شاعلة فيه لعوافي
عبد المجيد جلواح
01/06/2018
ليست هناك تعليقات:
إرسال تعليق