منتدى الأقلام السحرية للشعر والزجل

دواء الرُّوحْ

دواء الرُّوح
والقلبْ مجروح
والنّفْس ضاقْتْ
ما عَرْفَتْ فينْ تْروحْ
يا وَدِّي اجلسْ جَنْبي
وصلِّي عْلَى سيدْنا محمد النْبِي
نْطَهَّرْ بِالذّكْرْ كُلْ ذَنْبِي
يا شَمْسَ لا تَغْرَبِي
قْطَعْتْ سَبًْعْ بْحُورْ
وْمْشِيتْ مْنْ دُورْ لْدُورْ
وْمَلِّي تْعْقْدات الأُمُورْ
شْفْتْ في السْمَاء
كِيفْ هْجْرَاتْ الطْيورْ
قْطْعْتْ الوَاحَة
مُولاَتْ الثمر الدّوّاحة
وْوْصْلْنا لركراكة و حَاحَا
وْخَذْتْ قْسْطْ من الرّّاحَة
بَاشْ نْداوي الْقَلْب المَجْروحْ
وْقْرِيتْ سْرْ هذا البوحْ
وْاللِّي مْنُّو رِيحْتْ العُودْ كَتْفُوحْ

الشَّاعِرْ والزَّجَّال  ذ الحسين شبيب ألمانيا