منتدى الأقلام السحرية للشعر والزجل

ضلام النهار يخلع..
الريح طفا الشمع..
شفت المش ولد سبع..
واللبية ترضع الضبع..
والنار من التبن ماتشبع..
كنحسنو الراس لقرع..
فراخ إنقبو حفنة دالزرع..
حبة للواحد وكلها يقنع..
وكروش منفوخة غتتفرگع..
بين ميات فلوس..
واحد مفلس ..وواحد منحوس.
وواحد يبيض فلوس.. وواحد تبقبيقو مسوس..نافش ريشو ويسوس..
بين ميات منحوس..واحد مرضي معندوش ومخصوش..وواحد الي عندو ماقدوش.. يبات منفوخ ويصبح مفشوش. .
وضلام النهار يخلع..
شفت المش ولد سبع..
وشفت الخروفة كترضع..
ديب نيابو كتلمع..
ضايرة بيه الغنم كتبعبع..
كنفكر وراسي غيتفرگع..
البلاد سقاها عبد يدمع..
ونوارها غلة دالخدع..
ضلام النهار يخلع..
والريح طفى الشمع
تحيتي لكم احبتي وشكرا لكم