فوجه لحباب
رجليا دارو حفاري
وفطريق الدم
قفيت كلبي
وخاويت لمداري
الدنيا واخا فانية
متاع الصرف ولخاوة
حن فيا ونحن فيك
باراكا من لحساب ولمضاوة
الى لحكات الساعة
اللي والى يدشن قبري
لحدة حدا لحدة
وبالتراب ولحجر يتكمد عيبي
لخاوة حدها الدنيا لاغير
فلاخرة تواد لحقوق
ومايفوز غير فعال لخير
طوبة على طوبة
تفاشل الضبابة ويصفى لحال
عاكد لخبال يفكها
تجي رعدة وتبللها
وتخرج لحمامة من طينها
بفضل سيدي ومولاي
بقلمي:📂سكينة الشرقاوي📂
ليست هناك تعليقات:
إرسال تعليق