تْهْدَمْ داك الحيط و راب ساسُو
كل واحد ولا ماديها في راسُو
الولد غير يَكْبرْ وينسى ناسُو
وفي الضسارة يفوت قياسُو
مشات أيام وجى زمان جديدْ
القلوب قسات ولات حديدْ
مبقات فرحة في يوم العيدْ
و حتى السلام مزور غير بالليد
شحال من راجل ألمني حالو
وفي هاذ الزمان كثير لبحالو
همو في الدنيا يعتني بجمالو
مغرور و على المال معلق امالو
حتى بنات الناس ولاو قلال
مابقاو يقبلو بسيد الرجال
تبغي مول الثروة و المال
والدرويش تخليه لي باغي الحلال
اما لي حباتو ترميه من البال
شحال من صاحب شربني المر
تبدلو فعالو ولا واحد خُر
دار لباس ونسى عشرة الصغُرْ
ولا السم من قلبو يقطر
ليست هناك تعليقات:
إرسال تعليق