منتدى الأقلام السحرية للشعر والزجل

تطوعت نرسم لوحة
وقلت الدنيا كلها ألوان...
قدامي شيتة مطروحة
و ب عقلي انا فنان...
الصباغة من همها مكروحة
وخلطتها بعبار وميزان...
بالعز بغيتها منقوحة
فيها حياتي وطول الزمان..
حسيت ب لمحبة مجروحة
وعييت بالمسيح والحطان...
قلت بسم الله مربوحة
بعدما ركزت ودرت بلان...
بديت بزواقة مفتوحة
ولخضر هو  سيد الالوان...
تكلم لكحل ليا ب قصوحة
ما أنا ظلمة ما ساد عليهم بيبان...
ناداني لحمر من فوق سطوحة
انا دمك وراية بلادك برهان...
دوى لبيض من وسط اللوحة
انا الصفا ..والسلم من العديان...
جاني لصفر بشمسو منطوحة
مقلق وزادو لزرق ب غنان...
ساويتهم  بخطة  منجوحة
ودرتهم شمس فوق الشطآن....
تعاميت حيت صدقت مفضوحة
وقلت لراسي يحسن لعوان...
الدنيا كيف  كارطة  ب طروحة
ما يرسمها حتى  فنان....
وخا رسمت قصورة وصروحة
وساكن نوالة كلها غيران...
جهدت نفسي و كملت اللوحة
ما فيها لا روح ولا حركت عيان...

.....أحمد الناصري......