حدر رأسك وخمم
كيفاش القاضي حكم
فارس الغدر هرب و زطم
مشدتوا لا شيكيمة ولا لجم
حمل فوق ظهروا تقل ورزم
حيط الأمل تهدم
هذا الواقع مقدرت ليه نكتم
القلب توجع وتألم
الورقة طلبت مالقلم
باش يكتب وينظم
ينقش البوح بدم
مانتفاك ما نسلم
واش 20 سنة حكم
اش هاذ الظلم
زاد الجو تغمم
لفصل والقانون غير زمم
لكن فين تشغيل وفين تخدم
ابلادي لصوص مبغوها تتقدم
الكلام فلساني تلعتم
شربونا المرار والسم
القفل تصدا وتزكرم
ياربي غفر لينا ورحم
ضاعة اللوحة والرسم
بغيت العدالة تسكم
بغيت فبلادي الكل يتبسم
ما بغيت بحر الظلم
بموجوا الهايجة يلطم
سوطونا لظهر و ضرب تحت لقدم
فوطني الوضع دهور و تفاقم
حذر رأسك وخمم
وشوف كيف صدر الحكم
الورد ما بقي زهروا منسم
سمفونية ضاعت وتقطع وتر النغم
هما كسابة واحنا غنم. ....?
سمعونا سب والشتم. ..?
لسان هم ما يعرف مدح غير أسلوب ذم
بغينا فوطنا لاتحاد واللم
بغينا بلادنا تتقدم
عفاك ا القاضي صحح الحكم
العدالة على كلشي خصها تلزم
كيف الوزير كيف الفلاح كيف المقدم
17 المليار .....جاكم زنان والطم
ا سيد القاضي حكم
***بقلم عادل الغيوان ******
ليست هناك تعليقات:
إرسال تعليق