نساو
نساو يخرجو لعشور
وهاج لفحل و الثور
مع النسر سيد الطيور
والحصاد قلع الوتاد
والصيف بالشمس جاد
والرعدة ضربت بين الديور
وصابت ارض الفلاح المقهور
اللي نسى يخرج لعشور
وصبح يتهكم ملي جاه الدور!؟
حق ربي هجرتيه وانت ماشي معذور
والناس من الدين راها بعدات
وبين طريق الزواق والنفاق راها شردات
خليني نفكر بالله عليك اش ربحات؟
ماكاين غير الطمع و الوسواس
وشلا مصايب من باب الشر جات
وشلا هموم و شلا غيوم في السما صبحات
خرجو لعشور ولا غادي يجي عليكم الدور
وصفوا تصفى الأحوال وتتصاوب الامور
الشاعر و الزجال ذ الحسين شبيب المانيا
ليست هناك تعليقات:
إرسال تعليق