زجل
هَوْلوني ولا تْسُوْلُوني
هولوني شلاّّ امطارق
في راس الغريب
شْلاّ امسامر تثقب حيوط
القليب الحيرام
هذا حجره قاصحْ
هذاك دْراعو فنـيان
ْ قالو لابسْ انعالا
قالو مالو غادي حفيانْ
كلها وخالو وكلعا وحالو
خيط المغازل بلا عقدة
يتفسخ خيران
ابرة بلا عين ما تصلح لميزان
وبندير بلا زنازن
ما يرقص كتاف ما يسمع اوذان
سير وخلّي الخير وراك
الهوا(ء )في السما(ء)
يرطبب جوف الحيران
الشمع يسهل لخرازة
والسخا(ء) يعمر جوف الجيعان
لا تسولوني على لي بات موجوع
لي يبكي بلا دموع
لي يحلم بشموع كافية
باقدام حافية
بنعالة تسد اشقْ القلب
وتغمر كاس الحب
سولوني على هذاك الراس
الي بات بلا نعاس
يخمم في اكساه واعشاه
وميها صافية يورد بها الشياه
يصبن بها حزن ابّاه
ربي عالم بلي اعطاه
لا تسولوني على هذ الحال
راني حرت و تمرمد عندي الحال
بقلمي فوزية أحمد الفيلالي
ليست هناك تعليقات:
إرسال تعليق