گالو فکها يامن وحلتيها
لا تهرب عليها وتخلليها
اللي عگدهابيديه
يفكها بسنيه
جرتك جرة مجرجرة
وزهرك طاح ف حفرة
راس مالك غير الهضرة
مللي تلحگ للصح
توللي دموعك ترشح
جرتك ساعتهااتفضح
كل شي يعرف راك مصرصح
غير تلاگي ف لكلام وتساطح
وجهك طويل قاصح مسنطح
ادخل للغارگ بالصح
واجبد إلا كاين القاصح
لاتتخبى وطل من السطح
خايف لاجرتك اتبان وتفضح
بين الحقيقة تبان للمجروح
وررري ذاك المسكين المقصح
خلليه يعرف
ما يبقاش تالف
أنت راك عارف
ماتبقاش من راسك خايف
بين رجلين الزمان تالف
قصيدة # جرة مجرجرة
بقلم حسن الزايري
مجدوب عين أسردون
ليست هناك تعليقات:
إرسال تعليق