لمهراز
******
دك دك gg يا لمهراز
دك g و زيد فالدكان g
بيك نعرف الناس لعزاز
و لي فيه لعيب يبان
شحال عليك يا راسي داز
واش باقي متعلمتيش مزيان
الدنيا هادي كلها ألغاز
ياك فيها شحال من بيبان
بالصبر لكريم فيها فاز
و لي بنفسو بات جيعان
ما ينفع لا تخمام لا تكزاز
الراس لمغطي ماشي كي لعريان
النسر ما هو كيف لباز
و لقطوط ماشي كي لفيران
لخفيف راس مالو التنقاز
و الصحيح ما هو كي لعيان
شحال قبلك يا راسي داز
ما يدوم غير الصح يا لخوان
بقلمي : عزالدين ناس الرمى
24/05/2018
ليست هناك تعليقات:
إرسال تعليق