لكملة g ف الراس
************
عايشين عيشت لكملة g ف الراس
كل واحد يردخ فينا من جيه
مالكم على السم يا هاد الناس
فينما مشينا نسمعو سير بعد لهيه
بان عيبكم طغيتو تعديتو لقياس
المسكين ما بقا حد يبغيه و يديها فيه
ياك قبري و قبرك يتحفرو بلفاس
فلكفن بحال بحال التراب يتردم عليه
ما تنفع لا دار لا طوموبيل لا عساس
حتا شي معاك ما غادي تديه
غير فعالك و عمالك يا ولد الناس
خاف الله دير لخير راك ترجع عليه
ما بقات فيكم رحمة مات ليكم الإحساس
الدرويش ما بقا حد يرحمو و يواسيه
حيوطكم راشية مبنية و بلا ساس
اللي بنا شي حيط مغشوش يريب عليه
الدنيا ما دايمة و لابدا من لخلاص
ياك اللي حطب شي كا يسخن عليه
بقلمي : عزالدين ناس الرمى
ليست هناك تعليقات:
إرسال تعليق