آه يا نفسي يا لوامة
آه يانفسي يا لوامة
يا ل ما أعطيتني راحة
ولا خلتني يهنا لي بال
كل يوم أنت في حال
لا قناعة ولا طاعة
ولا رجوع لمولاك
ناسية كل شيء
مكتوب في
اللوح المحفوظ
آه عليك يا نفسي
يوم لحساب
ما عندك هروب
صحيفتي في يدي
يوم العرض
نطلب ربي يغفر ليا
يوم تخرج الروح
ونرجع كسدة هامدة
ونرجع تراب و طوب
آه يا نفسي....
بعدما حلمت
دك الحلمة في
ليلة ظليمة
ركبني الخوف.....
حلمت الروح هجرت
الكسدة حاملة صحيفتي
تبعتها نترجاها
بحق مولاها
آش المكتوب..... ؟
آه يا نفسي يا لوامة
ما نفعتني دموع
رجعت ليا ؤ دخلت فيا
نسول ونبحث آش نكون... ؟
لقيت راسي كسدة
بلا رحمة تبعت الدنيا
عجبني حالي
ما درت بحساب قلم يزمم
كل صغيرة و كبيرة يدون
آه من دك الحلمة
كسدة وسط حفرة
تمنيت يا سيادي
ما نتحاسب ولا نتعاقب
ؤ ما نشوف ليلة شقية
شعر راسي مخبل
وهريد الدود فيا
نهار نموت يا احبابي
ديروا طاقة ف قبري
ؤ شوفوا آش صار فيا......
مليكة بوبراهيمي
ليست هناك تعليقات:
إرسال تعليق