.....شكون سمع....
غوتت في فم البير
ما رد عليا هاورن ....
آش بقى لي ما ندير
حتى هو سكنو شارون....
ظهر لحمار قصير
ونبت فيه شلا طاعون...
تبعت العفط ولمرير
والرجلين تنفخو بالون...
لقيت همهم حفير
وباغيين مال قارون....
شحال من صبع راه يشير
وليهم نار وكانون....
لوجه داروه سرير
ما عرفوا كلنا ماشون...
حرورة السبسي قير
والتقصيصة ماهي لأفلاطون....
نعرفو الصباغة والجير
لكن للخير ديما ساعون....
في العرب وليت نحير
والصهيون ما هم راعون....
على القدس قواو الشخير
والارواح ماتت بلا قانون..
الشهيد ردوه شرير
والمظلوم هو شارون...
الخيانة لبستهم حرير
وخلاو فلسطين لرب الكون..
تعيشي يا أرض التحرير
ليوم يقول الله كن فيكون.
يا ترامب يا خنزير
القدس ليها بنات و بانون...
وخا تساهم ليها فالتدمير
يوقع لك ما وقع لشارون....
.........أحمد الناصري...........
ليست هناك تعليقات:
إرسال تعليق