موازين ماشي عيب لوكان
حنا واكلين وشابعين
واش البطالة معششا
فالشباب مسكين
مايكساب بشكليط
من الدوران
طابولو الرجلين
أو ولاد هاك بلاك بالفراري
و لامبورجيني محيحين
شوف الاطلس مقهور
البرد قاتلهم مالقاو عوين
الارامل مليوحة لا رحمة
ولا شفقة من المسؤولين
سيبطاراتنا يالطيف من كلشي
ناقصا حتى من الانسولين
عيب حشومة واش عندكم
ضمير ولا غير حنا زايدين
ماخفتو ماحشمتو حتى
من امير المومنين
عصابة وتهمتونا بالمدوخين
علاش بفلوس موازين
من نبنيوش دار المساكين
نتكافلو ونصلحو الحال كاملين
الشعب من طنجة لكويرة
يحب ملكنا الخلوق الامين
ووراه لحمة وحدة حنا مجندين
باراكا صهد عوافيكم
حرقنا من الراس حتى للرجلين
حميد النكادي 31/05/2018
ليست هناك تعليقات:
إرسال تعليق