بسم الله نبدا لكلام
***************
بسم الله نبدا لكلام
و نصلي على طه زين الزين
نهدي لحبابي ألف سلام
و تحية من قلبي لحنين
صليو على خير الآنام
بو فاطمة و جد الحسين
حمدو الله يا خوتي لكرام
اللي خلقنا و سوانا من طين
يا بنادم علاش التخمام
ياك رزقك عند رب العالمين
مضمون على طول لعام
علاش عليك تبكي و تنين
تجري و تتعافر مع ليام
لمكتوبة مكتوبة في لجبين
ياك دازو قبلك أقوام
فين الجدود فين لواليدين
الدنيا فايتة كي لمنام
لا تشطن بالك يا مسكين
بقلمي : عزالدين ناس الرمى
31/05/2018
ليست هناك تعليقات:
إرسال تعليق