لحمام
مال لحمام
اللي ربيت طول لعام
مافيه كلام
ما يرد سلام ؟...
طاار علا ف السما
طاح حبي ف الما
حياتي صبحات مظلمة
هذا كابوس ماشي منامة
ماودعني ماقال بالسلامة
عليه ف الحفاري نتعامى..
كنت فيه نطهلى
كبر، طار وعلا
خفت عليه يتجلا
مشا مابقى ولى
عمري عليه ما نتخلى..
مانسعد مانتهنى
حتى حمامي
يجاوب كلامي
يرد سلامي
يقبل حبي وغرامي..
غيابو زرع فيا لخوف
بالبكا عليه فقدت الشوف
بعادو يحرق جوف
يخليه يبقى ملهوف
ويرسمو باجمل حروف. .
يا حمامي ما تغيب
راه الفراق صعيب
رجع يبتسم القليب
رد بالك من لغريب
ك الحب الاول ماتصيب
هذي راه بالتجريب.
عمر بنحيدي. 2018\5\31
ليست هناك تعليقات:
إرسال تعليق