مشيت للغابة قلت نخضر عينية
ونشوف لحجل مع قنية
سمعت الحس تلفت ورايا
اوشفت النسر نفخ ريشو
اوشاف فيا
بشوفت لغدر من داك اليوم
مزالة بين عينيا
خليتو ومشيت فطريقي خلفا
لقيت حمامة زوينة هزيتها
جناحها مكسور اوبقات فيا
اوداز النسر بسرعة البرق
اوخطفها منبين يديا
هادي قصة راه غير من الخيال
ماهي واقيعيا
واخا هوكاك عشت حتى شفت
شحال من النسر فقلبو لغدر
اوغير مخبي فتوب حديا
.....خالد حدادي.....
ليست هناك تعليقات:
إرسال تعليق