#بلادي
بلادي يا بلادي
نهبوك الأعادي
بلادي نوارة
بلادي خير كثير
أرض مفروشة حرير
غصبها كل قلب شرير
بلادي عاطية
وكروش الحرام محتاكرة
بلادي معيدة
واليتيم فيها يشوف
واليتيم شعب مقموع
بلادي دازو فيها شموع
طفاهم العدو المعلوم
بلادي فوسفاط
ما شفنا منو والو
بلادي زوج بحور
هما لي قلاو وكالو
بلادي فلاحية
والخضرة ماشي لي
بلادي سياحية
الفقير ما شاف والو
بلادي واحة
والشلاهبية زاردين فيها
بلادي غابة
والمساخيط نتفو اشجارها
بلادي تفاحة
مجموعة فواحة
والغاشي يقسم فيها
بلادي محراب
قدروه شيوخ الظلام
بلادي طبيعة
رفسوا فيها الغيلان
بلادي رحبة
والمسؤولين شناقة
بلادي يا بلادي
نهبوك الأعادي
نبيل تميمي
30مايو2018
ليست هناك تعليقات:
إرسال تعليق