خمم يالتخمام

خمم يالتخمام
فكر واختصر
بوح   الايام
على أثر المعقول
غبر مابان
الكبير يتوقر
المرأة ليها الشان
الراس  محدور
لا نگاب لا غنبور
السلام في  لفام
هيبة في الكبير
حياء في الصغير
اش جرى يا إنسان
تقلب سفاها على علاها
راس المال كلام
هملو لحلال
كبرو ب لحرام
ضاق  الحال
السماء غيام
رياح قوية
الشمس غضبت
لبحور هايجة
الگمرة زعفانة
والضبابة ماحشمات
نجمة لفجر
مابغات تطلع
والنهار من نعاس ماشبع
والمصران اعمر
في الفاد اتفرگع
الحشوم حشم
والتخمام حكى وندم
الحق سكت
الدم نكر الدم
اش هدا يا بنادم
الباطل  يتكلم.
29/5/018
بقلم محمد البراقي الحسناوي