حار القمع ..?
فبلادي كنتوجع
شوف الوقت كيف ارجع
جربوا فينا سم اللفع
لدغ. ....ولسع
هاذ شي ولا يخلع
كترة الحكرة والقمع
فبلادي ما كنت لهدشي متوقع
بغيت تعيش شوف وسمع
ولأهل المناصب سلام وركع
بغيت تعيش مع السبع
لزام تكون طبع
ما تقول لا....? ما تمنع...?
فبلادي جاني الفزع
عيني ما جفت من الدمع
فبلادي الخير تمر والزرع
الحليب مزال فالطرع
الما مزال من جبل ينبع
خاص غير العدل كيف يتوزع
يكون حكم عدل وشرع
ياك أحنا القنديل والشمع
ياك أحنا للوطنية منبع
علاش ساير فينا اتجوع
من حقوقنا أسستوا ألف شريكة ومصنع
من كترت همومكم بنادم دلاع
فرق اهلوا وعانق البحر وبروحوا ودع
كان جتة هامدة والحوت فيه يبلع
علاش نور الامال فبلادي مبغي يسطع
****بقلم عادل الغيوان****
ليست هناك تعليقات:
إرسال تعليق