مشيت لواحد البلاد
في يوم من الايام
سافرت لواحد البلاد لي غرت كل شاب
خليت رجال القبيلة
يتغرمو بالمجدوبة زينة الشباب
هما يحلمو وانا نغطيهم بسلهام الطمع
كل واحد يقول هاد الغريبة الوحيدة
في داري نديرها فتيلة
بالحق شطحتهم على رمح السهم
درت براسي غشيمة
لكلامهم ما نفهم فيه معاني
لافعالهم مانفقه فيه
هما قالو بلي يكرمو الضيف
ولكن جبرتهم ياكلو لحمو
او يرميو عظمو
قالو هما يقدرو النسا
لقيتهم يتاجرو بيهم في كل مسا
سوقهم بالليل يزند
نارو تحرق لغريب لي مايتبلد
ضاق بي الحال
على النساء تما كتسال
تايهة في كل الاحوال
ظلمها غريب مول المال
لبست لباس المجدوبة
اموالهم درتها في جيبي عديمة
قلت غنعيش عيشة البهالي
ندير براسي حمق او براني
نلبس لباسهم او نتوسد افعالي
نمشي في طريقهم او نطبق اقوالي
خليتهم يهتهو من افعايل العربية
حيت ماشي اي عربية
انا عربية زينة العربيات
نجية عماري
ليست هناك تعليقات:
إرسال تعليق