دفع لخوك الطعام..................................................
دفع لخوك الطعام
سير معاه غير بالنية
يشددو فخ ليام
الصباح قبل لعشية
سمعو يا خوتي لكرام
هادي قصة جرات ليا
زرعت من لخير عررام
جنيت غير الشر و لكية
عييت نربط و ترخى لحزام
ما كنتش نظن ليام تدور بيا
كانو لحباب جنبي كي لحمام
و ليوم لقريب منهم فرط فيا
زادو لقلبي غير الهم و لسقام
ولا يهضرو و يتخابرو عليا
ما بقاوش يزوروني حتا في لمنام
ما بقاو فلوس آش يديرو بيا
ملي تبدل لحال دارت ليام
الدنيا عاود ثاني ضحكات ليا
شمو الريحة و جاو بالتمام
كيف الذبان بغاو يتجمعو عليا
بغيت نهضر ما لقيت كلام
ياك ربي كريم و مزينو بعطية
بقلمي : عزالدين ناس الرمى خريبكة
Le 14/10/2018
ليست هناك تعليقات:
إرسال تعليق