منتدى الأقلام السحرية للشعر والزجل

**الخَاوَة**

*بتاريخ 21 رمضان 2016 مراكش
(حقوق النشر محفوظة)

الخَاوَة حَدْهَا الدُّنْيَا
ؤشِي نَاسْ أَوَدٌِّي مَا مْهَنْية
حَاقْدَة عْلَى خُّوتْهَا حْتَّى فِي الكْنْيَة
مَاكْرْهَاتْشْ تْقْطْعْ الصِّلَة

الخَاوَة صْبْحَاتْ مْسَبَّة
الكُلْ مْخَاصْمْ مَا بْقَاتْ مْحَبَّة
وْمْشَاوْ الوَالِدين اللِّي رَبَّاو
وْفَرْزُوا بِينْ اللِّي گالْسْ مْعَاهُمْ فِي الدّارْ
وبِينْ اللِّي مْغَرَّبْ دِيمَا فِي الغُرْبَة؟

وَاشْ سْمَعْتِي؟
الخَاوَة وْلّاتْ حامْضَة
وْتْخْرَاجْ العَيْنِينْ هُوَ قْصْدْهَا
وْگالتْ لْمْرَة
وفِي اللِّيلْ حْكَاتْ لرَجْلْهَا
گالْتْ فْلَانَة.........
وْگالْ فْلَانْ وْفْرْتْلَّانْ.....!
بَاشْ تْزِيدْ في العْوَافِي الخَامْدَة!

وَاسْمْعُوا يَا الجْمَاعَة
مَلِّي تَتَّحْدْ الخَاوَة
تْصِيرْ اللَّمَّة بَلْسَمْ ضَدْ لْعْدَاوَة
وتْرْصْ الصْفُوفْ بِينْ الخْوَاتَاتْ وْالخُّوتْ
ويتْهْنّاوْ الوَلِدِينْ فِي القْبْرْ بَعْدْ المُوتْ
حَافْظُوا عْلَى الخَاوَة قبْلْ مَايْفُوتْ الفُوتْ!

#الشاعر والزجال ذ الحسين شبيب ألمانيا